Прощайте, Идрис агъа!
08/08/2007 | Меджлис-Информ
Эльвида,Идрис агъа!
Миллий арекетимиз ве миллий эдебиятымыз буюк гъайыплыкъкъа огърады: 6-августнынъ сабасында Багъчасарайда 80 яшы арфесинде булунгъан Идрис Челеби огълу Асаннынъ юреги урувдан токътады.
Халкъымызнынъ такъдирини теренден къайгъыргъан,онъа гонъюльден,джан куйдирип хызмет эткен инсанлар,Аллагъа шукюрлер олсун,аз дегиль.Идрис агъа да оларнынъ сырасындан олып,бу алидженап федакярлар арасында айры бир ерни туткъан бир шахс эди. Даа генчлигинде онда миллий дуйгъунен берабер эдебияткъа,назмиетке меракъ уянды.Онынъ «Азиз халкъым,айырылдыкъ», «Бу не зулум?», «Бизлер къайда кетемиз» ве 1940 сенелерининъ сонъунда – 1950 сенелерининъ башында язгъан дигер бир сыра шиирлеринде сюргюнлик фаджиасы,миллетнинъ агъыр вазиети,акимиетнинъ зораки арекетлери акс олуна.
Эбет,бойле ясакъ мевзуларгъа мураджатны совет режими дикъкъатсыз къалдырмады ве аджеле суретте къыймет кесип, оларнынъ муэллифине 25 йыллыкъ лагерь муддетини «багъышлады». Бойлеликнен, 1950-56-сенелерини Идрис агъа ГУЛАГнынъ шималиндеки къуруджылыкъ объектлеринде отькерди.
Сталинизмнинъ тенкъиди ве къырымтатарларны Ватангъа къайтарув фаркълы акъымлар олгъаныны анълагъан уйкен несилимиз миллий арекетни башлады. Озьбекистаннынъ Самаркъанд шеэринде яшагъан И.Асанин бу курешке шубеленмей киришти ве сонъки нефесине къадар халкъымызнынъ Къырымгъа авдет олмасы ичюн, Ватанда гъайрыдан тикленильмеси ичун озь салмакълы иссесини къошып кельди.
1927сенеси о заман Куйбышев (Албат) районынынъ Фоти-Сала коюнде догъгъан Идрис агъа ана тилинде тасиль алды. 1944с. дешетли сюргюнлик нетиджесинде Самаркъанд виляетининъ Митан районына тюшти. Онынъ башындан агъырдан-агъыр куньлер кечти. О ана-баба ве дигер къоранта азаларыны гъайып этти. Чешит такъиплерге огърады, апске алынды, лагерьлерде булунды. Бунъа бакъмадан, о эки алий окъув юрту дипломларынынъ саиби олды, къоранта къурды, учь эвлят осьтюрди, миллий давамызнынъ фааллеринден бири олды.
1987сенеси И.Асанин Меркезий Тешеббюсчи группанынъ (ЦИГ), 1989сенеси Къырымтатар Миллий Арекети тешкилятининъ (ОКНД) азасы олды. 1990 сенеси Къырымгъа – Багъчасарайгъа кочти. Ватанында о бир сыра шаириет джыйынтыкълары ве буюк эмек сарф этильген, миллетпервер сымаларымызгъа багъышлангъан «Адалет куреши сафларында» адлы учь джылтлы китапны чыкъармагъа наиль олды. О «Азизлер» джемиетини мейдангъа кетирди ве онъа, ёлбашчылыкъ япты.
Акъикъатен де, Идрис Челеби огълу Асан озь омюрини халкъына багъышлады ве онынъ ады халкъымызнынъ хатырасындан силинмез. Биз муляйим, алчакъгонъюли досттан, къоркъубильмез, ишанчлы сафдашымыздан, истидатлы публицист ве шаирден айырылдыкъ.
И.Асаниннынъ омюр аркъадашы Лемара ханымгъа, онынъ балаларына, ве торунларына самимийликле озюмизнинъ терен тазиемизни бильдиремиз.
Идрис агъа Асан Алланынъ рахметинде олсун. Онынъ къорантасына, бутюн якъынларына баш сагълыгъы ве сабыр тилеймиз.
Къырымтатар Миллий Меджлисининъ азалары
Миллий арекетимиз ве миллий эдебиятымыз буюк гъайыплыкъкъа огърады: 6-августнынъ сабасында Багъчасарайда 80 яшы арфесинде булунгъан Идрис Челеби огълу Асаннынъ юреги урувдан токътады.
Халкъымызнынъ такъдирини теренден къайгъыргъан,онъа гонъюльден,джан куйдирип хызмет эткен инсанлар,Аллагъа шукюрлер олсун,аз дегиль.Идрис агъа да оларнынъ сырасындан олып,бу алидженап федакярлар арасында айры бир ерни туткъан бир шахс эди. Даа генчлигинде онда миллий дуйгъунен берабер эдебияткъа,назмиетке меракъ уянды.Онынъ «Азиз халкъым,айырылдыкъ», «Бу не зулум?», «Бизлер къайда кетемиз» ве 1940 сенелерининъ сонъунда – 1950 сенелерининъ башында язгъан дигер бир сыра шиирлеринде сюргюнлик фаджиасы,миллетнинъ агъыр вазиети,акимиетнинъ зораки арекетлери акс олуна.
Эбет,бойле ясакъ мевзуларгъа мураджатны совет режими дикъкъатсыз къалдырмады ве аджеле суретте къыймет кесип, оларнынъ муэллифине 25 йыллыкъ лагерь муддетини «багъышлады». Бойлеликнен, 1950-56-сенелерини Идрис агъа ГУЛАГнынъ шималиндеки къуруджылыкъ объектлеринде отькерди.
Сталинизмнинъ тенкъиди ве къырымтатарларны Ватангъа къайтарув фаркълы акъымлар олгъаныны анълагъан уйкен несилимиз миллий арекетни башлады. Озьбекистаннынъ Самаркъанд шеэринде яшагъан И.Асанин бу курешке шубеленмей киришти ве сонъки нефесине къадар халкъымызнынъ Къырымгъа авдет олмасы ичюн, Ватанда гъайрыдан тикленильмеси ичун озь салмакълы иссесини къошып кельди.
1927сенеси о заман Куйбышев (Албат) районынынъ Фоти-Сала коюнде догъгъан Идрис агъа ана тилинде тасиль алды. 1944с. дешетли сюргюнлик нетиджесинде Самаркъанд виляетининъ Митан районына тюшти. Онынъ башындан агъырдан-агъыр куньлер кечти. О ана-баба ве дигер къоранта азаларыны гъайып этти. Чешит такъиплерге огърады, апске алынды, лагерьлерде булунды. Бунъа бакъмадан, о эки алий окъув юрту дипломларынынъ саиби олды, къоранта къурды, учь эвлят осьтюрди, миллий давамызнынъ фааллеринден бири олды.
1987сенеси И.Асанин Меркезий Тешеббюсчи группанынъ (ЦИГ), 1989сенеси Къырымтатар Миллий Арекети тешкилятининъ (ОКНД) азасы олды. 1990 сенеси Къырымгъа – Багъчасарайгъа кочти. Ватанында о бир сыра шаириет джыйынтыкълары ве буюк эмек сарф этильген, миллетпервер сымаларымызгъа багъышлангъан «Адалет куреши сафларында» адлы учь джылтлы китапны чыкъармагъа наиль олды. О «Азизлер» джемиетини мейдангъа кетирди ве онъа, ёлбашчылыкъ япты.
Акъикъатен де, Идрис Челеби огълу Асан озь омюрини халкъына багъышлады ве онынъ ады халкъымызнынъ хатырасындан силинмез. Биз муляйим, алчакъгонъюли досттан, къоркъубильмез, ишанчлы сафдашымыздан, истидатлы публицист ве шаирден айырылдыкъ.
И.Асаниннынъ омюр аркъадашы Лемара ханымгъа, онынъ балаларына, ве торунларына самимийликле озюмизнинъ терен тазиемизни бильдиремиз.
Идрис агъа Асан Алланынъ рахметинде олсун. Онынъ къорантасына, бутюн якъынларына баш сагълыгъы ве сабыр тилеймиз.
Къырымтатар Миллий Меджлисининъ азалары
Відповіді
2007.08.20 | Сейдалиев Лютфи
Re: Прощайте, Идрис агъа!
Идрис-агъа Асанин был известным писателем и учёным, не смотря на многолетние притеснения и лишения, которые он получил от наших общих недругов, он всё же продолжал отстаивать права Крымских Татар, он оставался до конца этой жизни не поколебимым борцом за человеческую справедливость! Честь ему и Хвала!Пусть же Идрис агъа останется в нашей памяти почётным Мудрецом Крыма из Фотисалы, который отстаивал Кильсе Баир в Фотисалинской долине,чтобы удержать в памяти потомков этот холм, как Святое Место наших Отцов, что бы наши Предки-Отцы у потомков не забылися. Вероятно в каждом селе была своя память, а это место было Азиз Баиром Фотисалы, земле наших Отцов - и до последнего дня своей жизни он защищал это Святое Место!
АЛЛА РАХМЕТ ЭЙЛЕСЫН!
Я считаю не надо бояться осуждения тех, кто срамит Азизы (говоря, что это идолопоклонство или это против Аллаха!)
Меканцы этого не срамятся! Не срамятся этого и Мусульмане Ерусалима, Египта и многих других святых мест разных городов. Почему же Мы -Мусульмане Крыма должны забывать своих Предков? Почему мы не должны поминать их добрым словом, так же, как это мы делаем, когда мы стоим у могил наших отцов и общаясь с ними? Ведь это Наши Предки! Почему Память о них, о Наших Великих Крымцев прославившихся на весь Мир должна быть забыта и запрещена!