Аъкмесджитте Хыдырлез
05/12/2008 | Меджлис-Информ
Къартларымыз айтъканына коре, майыс айынынъ алтысында дюньяны кезип эки денъиз тарафындан Къырымгъа Къыдыр-Неби ве Ильяс-Неби эвлиялар кирип келе экенлер ве къол тутушып Къырымнынъ бутюн ерине бара экенлер.
Эвель-эзельден оларны къаршылап алмакъ ичюн бутюн халкъ багъча-тарлаларгъа чыкъа экен. Ойнап, кулюп, йырлап ве къалакъайларны тыгъыртып олар эвлия Небилернинъ дуасыны ала экенлер.
Бу сене Къырымда Хыдырлез майыснынъ 6-дан башлап нишанланды ве майыснынъ 8-де Акъмесджитте Миллий Меджлис тарафындан кениш къайд этилип екюнленди.
Хыдырлез байрамы, майыснынъ 8-джи куню Акъмесджит шеэри Битакъ къасабасынынъ Гурзуфская сокъагъынынъ Салгъыр багъчасында кечти.
Байрамны аньаневий шекильде кечирмек тешебюссинен чыкъкан Миллий Меджлис медениет ве маариф идаресининъ ребери Сафуре Каджаметова санагъа байрам тешкилий комитетининъ башы, Миллий Меджлис реисининъ муавини Ремзи Ильясовны ве азалары – Ресуде Измайлованы, Къырымтатар медениет вакъуфынынъ реиси Ридван Аединовны, Акъмесджит регионал меджлисининъ реиси Руслан Эннановны, Джумхуриет спорт комитетининъ реис муавини Джафер Бекировны, Акъмесджит шеэрининъ миллетлерара мунасебетелери болюгинин ребери Бекир Дудаковны давет этип, оларнынъ адындан эр кесни селямлады. Къырым мусульманларынынъ муфтиси аджи Эмирали Аблаев байрамны дуанен ачты.
Миллий Меджлиснинъ реиси Мустафа Джемилев ве онынъ биринджи муавини Рефат Чубаров ватандашларны байрамнен хайырлап, чыкъышта булундулар.
Къырымтатар къартийсининъ миллий урбасыны кийген, белли сёз устасы Муневер ханым Темишева къалакъай тыгъыртып Алладан халкъымызгъа къысмет ве берекет тиледи.
«Къырым», «Макъам», «Фиданлар», «Бульбуллер», «Джемиле» ансамбллерининъ ижадий коллективлери байрамгъа кельгенлерни озь иджадынен севиндирип хошнут эттилер.
Къырымда нам къазангъан артистлер Рустем Меметов ве Гулизар Бекирова байрам программасыны усталыкънен алып бардылар.
Яшы-къарты джан юрекнен спорт ве эгленджи ярышларда эм де миллий куреште иштирак этип мукяфатлар алдылар.
Куреш ярышларына халкъымызнынъ джанлы къараманы, классик куреши боюнджа дюнья чемпионы Рустем Казаков баш олды.
Хыдырлез Миллий Меджлис, Рескомнац ве иш адамлары Сеитумер Берберов, Садыкъ Табах, Энвер Абдураимовларнынъ маддий къолтутувында откерильди.
Меджлис-информ
Эвель-эзельден оларны къаршылап алмакъ ичюн бутюн халкъ багъча-тарлаларгъа чыкъа экен. Ойнап, кулюп, йырлап ве къалакъайларны тыгъыртып олар эвлия Небилернинъ дуасыны ала экенлер.
Бу сене Къырымда Хыдырлез майыснынъ 6-дан башлап нишанланды ве майыснынъ 8-де Акъмесджитте Миллий Меджлис тарафындан кениш къайд этилип екюнленди.
Хыдырлез байрамы, майыснынъ 8-джи куню Акъмесджит шеэри Битакъ къасабасынынъ Гурзуфская сокъагъынынъ Салгъыр багъчасында кечти.
Байрамны аньаневий шекильде кечирмек тешебюссинен чыкъкан Миллий Меджлис медениет ве маариф идаресининъ ребери Сафуре Каджаметова санагъа байрам тешкилий комитетининъ башы, Миллий Меджлис реисининъ муавини Ремзи Ильясовны ве азалары – Ресуде Измайлованы, Къырымтатар медениет вакъуфынынъ реиси Ридван Аединовны, Акъмесджит регионал меджлисининъ реиси Руслан Эннановны, Джумхуриет спорт комитетининъ реис муавини Джафер Бекировны, Акъмесджит шеэрининъ миллетлерара мунасебетелери болюгинин ребери Бекир Дудаковны давет этип, оларнынъ адындан эр кесни селямлады. Къырым мусульманларынынъ муфтиси аджи Эмирали Аблаев байрамны дуанен ачты.
Миллий Меджлиснинъ реиси Мустафа Джемилев ве онынъ биринджи муавини Рефат Чубаров ватандашларны байрамнен хайырлап, чыкъышта булундулар.
Къырымтатар къартийсининъ миллий урбасыны кийген, белли сёз устасы Муневер ханым Темишева къалакъай тыгъыртып Алладан халкъымызгъа къысмет ве берекет тиледи.
«Къырым», «Макъам», «Фиданлар», «Бульбуллер», «Джемиле» ансамбллерининъ ижадий коллективлери байрамгъа кельгенлерни озь иджадынен севиндирип хошнут эттилер.
Къырымда нам къазангъан артистлер Рустем Меметов ве Гулизар Бекирова байрам программасыны усталыкънен алып бардылар.
Яшы-къарты джан юрекнен спорт ве эгленджи ярышларда эм де миллий куреште иштирак этип мукяфатлар алдылар.
Куреш ярышларына халкъымызнынъ джанлы къараманы, классик куреши боюнджа дюнья чемпионы Рустем Казаков баш олды.
Хыдырлез Миллий Меджлис, Рескомнац ве иш адамлары Сеитумер Берберов, Садыкъ Табах, Энвер Абдураимовларнынъ маддий къолтутувында откерильди.
Меджлис-информ
Відповіді
2008.05.12 | Lenur
машалла!
2009.05.08 | Дневной дозор
Re: Аъкмесджитте Хыдырлез
А в этом году репортажей о празднике не видно.2009.05.09 | Крымец
Re: Аъкмесджитте Хыдырлез
Машалла! Молодцы!