06/05/2008 | Меджлис-Информ

Къырымтатар кутьлевий хабер васталарында чалышкъан урьметли хадимлер!

Сайгъылы журналистлер!
Эпинъизге зенаат байрамы хайырлы олсун!
Сизнинъ япкъан ишинъиз,эбет, пек агъыр, муреккеп ве месулиетлидир, амма, бунынънен берабер халкъымыз ичюн сонъ дереджеде эмиетли, муим ве зарур,чюнки хаберсиз,малюматсыз яшагъан, фикир пайлашмакътан марум олгъан джемиет не земаневий,не фааль,не де сагълам ола биле.

Шу джумледен сизлернинъ джанлы арекетлеринъиз иле халкъымыз бу чизгилернинъ саиби олып кельмекте.Эпинъизге тешеккюрлер бильдирмеге истейик .
Алла сизлерге сагълыкъ-селяметлик,бахт-сеадет,къуванч ве чалышмаларынъызда ильхам,частлыкъ,мувафакъиетлер багъышласын!
Къоранталарынъызда даима къуванч ве барлыкъ укюм сюрсин!
Халкъымызнынъ менфаатларынынъ къорчалавы огърунда къалеминъиз даима кескин олсун!

Къырымтатар Миллий Меджлиси.