Відповіді

• 2008.11.18 | Навигатор

  Re: Умер Шакир Селим

  Alessandro пише:
  > Сегодня в Симферополе на 66-м году жизни умер поэт Шакир Селим. Похороны состоятся завтра в 12:00.
  
  Немного уточнений:
  
  - дженазе мерасими (не знаю как точно сказать на русском - "отпевание"?) - в Кебир джами в 13.00.
  
  Оттуда траурная процессия последует на Абдал...
  згорнути/розгорнути гілку відповідей

  • 2008.11.19 | Д.Т.

    Аллах рахмет эйлесинъ

    Даа якъында Шакир оджаны сагъ юрьгенини корьген сонъ,бу къара хаберни аларкен къатып къалдым, инанмакъ чокъ къыйын олды...
    Аллах онъа рахмет эйлесинъ!
    Эминим ки, къырымтатар эдебиятымызгъа салмакълы бир иссе кошкъан ве онынъ осювине эмеги синьген Шакир Селимнинъ ады классик оларакъ къаладжакъ, ве, Аллах берсе, унутылмаз!
    Инсаннынъ омюр ёлу къыскъа, амма бу ёлны Шакир оджа киби кечмек, яни артындан гуль киби миллетимизге багъышлангъан эмегининъ излерини къалдырмакъ эр кеске насип дегиль.. Шакир Селимнинъ исе, бу елу асранылгъан гуллер иле парылдайджакъ!
    Аллах Рахмет эйлесинъ!

• 2008.11.19 | Меджлис-Информ

  Эльвида, достумыз!

  Эльвида, достумыз!
  
  Ноябрь 18 куню Акъмесджитте эдебиятымызнынъ энъ корюмли векиллеринден бири Шакир Селим вефат этти. Шакир Селим юзюнде земане къырымтатар эдебияты озюнинъ энъ парлакъ сималарындан бирини гъайып этти. Бу ойле гъайып ки, шиириетимизде онынъ ерини тутаджакъ истидат якъын девирде ич пейда олурмы экен.
  Шакир Селим 1942 сенеси апрель 10-да Къырымнынъ Акъшейх районындаки Буюк-Ас коюнде дюньягъа кельди. Келеджекте оладжакъ шаирнинъ дюньягъа келип, татий юрьген ве ильки тили чыкъып башлагъан вакъты къарсамбалы, къуршунлы, бомбалы дженк деврине раст кельди. Бунынъ артындан да даа эки яшында олгъанда о, къорантасы ве халкъынен берабер сюрьгюнликке огъратылды. Озьбекстанда о Джамбай районында, сонъра Самаркъанд шеэринде яшады. Самаркъанд университетининъ филология факультетини битирген Шакир, 1963 сенеси матбуатта шиирлеринен корюнип башлады ве озюнинъ ильки шиирлеринен эдебияткъа бир кереден ве эминликнен кирип кельди. 1974 сенеси чыкъкъан биринджи шиирий китабыны о «Акъбардакъ» деп адландырды. Баарьде асфальтни тешип чыкъкъан акъбардакъ – бу не къадар тапталса да, илле аякъкъа къалкъаджакъ курешчен халкъымызнынъ бедиий образыдыр.
  Шакир Селим аслында «лирика мектеби»нинъ векили ки, бу онынъ «Дуйгъуларым», «Севги алеви» адлы джыйынтыкъларында ачыкъ-айдын билине. Яш шаир халкъкъа якъын олмагъа, онынъ арзу-хаялларыны акс этмеге, девир талабына джевап бермеге ынтыла. 1986 сенеси онынъ «Уянув», 1990 сенеси исе «Еллерни динъле» адлы шиирий китаплары нешир этильди. Шаир девир набызыны о дередже сезе эди ки, онынъ 1987 сенеси «Йылдыз» меджмуасында басылгъан «Бар сеснен!» публицистик поэмасы эдебиятымызда догърудан-догъру бурулыш япмакъ ичюн бир сигнал олды. Халкъкъа ве Ватангъа севги дуйгъуларынен ашлангъан, халкънынъ нефесинен нефес алгъан шаир Самаркъанд виляетинде миллий арекетимизнинъ фааль иштиракчилеринден бири эди.
  Эки яшында Ана-юртындан къувулгъан Шакир Селим Ватангъа 47 яшында къайтып кельди. Мында о эвеля «Достлукъ» газетасында, сонъра исе 1997 сенесинден сонъки дакъкъасынадже «Йылдыз» меджмуасынынъ баш муаррири эди.
  Ватанда онынъ «Тюшюндже» адлы шиирлер джыйынтыгъы ве озю азырлагъан эки томлыкъ сайлама эсерлерининъ биринджи томы нешир олунды. Теэссюф ки, экинджи томыны корьмек шаирге насип олмады. О, озюни терджиме саасында да юксек меаретли иджаткяр оларакъ косьтерди. Онынъ А.Пушкинден, М.Лермонтовдан, А.Твардовскийден, Т.Шевченкодан япкъан терджимелери къырымтатар терджиме саньатынынъ алтын саифелерини тешкиль этеджектирлер. Озюнинъ бу фаалиетинен о къырымтатар театрининъ де аякъкъа турмасына чокъ иссе къошкъандыр. Театрде Н.Гогольнинъ «Эвленюв», Мустай Каримнинъ «Ай тутулгъан геджеде», В.Шекспирнинъ «Макбет» эсерлери онынъ терджимесинде саналаштырылды ве мувафакъиет эльде эттилер. Хусусан сонъки эсернинъ терджимеси ичюн о театр коллективинен берабер Къырым Мухтар Джумхуриетининъ Девлет мукяфатыны къазанды.
  Шакир Селимни биз заманымызнынъ халкъ шаири демеге толу акъкъымыз бар. О озю айткъаны киби: «Шаирни халкъ догъура, лякин о юкнинъ тюбюне шаир озю кире». Акъикъатен, 1992 сенеси Ватангъа къайтып кельген языджыларымыз къырымтатар языджылары кенъешини тешкиль эткенде, Шакир Селим бу кенъешнинъ реиси олып сайланды ве бу юкни де озь бойнуна алып, сонъки вакъыткъадже языджыларымызнынъ етекчиси олып кельди. Айны вакъытта о III Къурултайнынъ делегаты ве Миллий Меджлиснинъ азасы олды. Даа якъында тешкиль олунгъан мустакъиль Къырымтатар языджылары бирлиги де онынъ фааль иштираки саесинде мейдангъа кетирильди.
  Шакир Селим заманымызнынъ етекчи шаирлери олгъан Эшреф Шемьи-заде ве Идрис Асаниннен берабер энъ ватанпервер иджаткярлар сырасында олып кельди. Шакир Селимнинъ юксек бедиий ве семерели иджадий фаалиети Тюркиеде Ариф Нихат Асия адына эдебият мукяфатынен, Полонияда «Покуль» мукяфатынен, Ватанда исе Бекир Чобан заде мукяфатынен, Къырым Мухтар Джумхуриети Юкъары Шурасынынъ Фахрий Ярлыгъынен такъдирленди.
  Озюнинъ бутюн истидадыны, кучь-гъайретини миллий эдебиятымызнынъ сакъланмасына, онынъ илерилемесине, медениетимизнинъ тикленмеси ве халкъымызнынъ келеджегине сарф эткен Шакир Селим сонъки нефесинедже къалемини къолдан ташламады.
  Умумхалкъ севгисини къазангъан шаирнинъ къабрине баргъан ёлны ич бир вакъыт от басмаз. Онынъ айдын хатырасы юреклеримизде эбедий яшайджакътыр.
  Аллаh рахмет эйлесин.
  Яткъан еринъ дженнет олсын.
  
  
  Къырымтатар Миллий Меджлиси,
  Къырымтатар языджылары бирлиги.

• 2008.11.19 | Меджлис-Информ

  Краткая биографическая справка

  Вчера, 18 ноября 2008 года, после тяжелой и продолжительной болезни на 66-м году скончался известный крымскотатарский поэт, переводчик, публицист, делегат IV Курултая крымскотатарского народа Шакир Селим.
  Шакир Селим родился 10 апреля 1942 г. в с. Буюк-Асс Акъ-Шейхского р-она (ныне Раздольненский р-он). Во время депортации с семьей попал в Джамбайский р-он Самаркандской области. Окончил филологический факультет Самаркандского госуниверситета. Долгие годы работал собкором газеты «Ленин байрагъы» («Ленинское знамя»), возглавлял отдел передач Самаркандского областного радио. По возвращении на Родину в 1989 г. жил в Симферополе и вел активную общеcтвенную деятельность. Писал стихи, много печатался, занимался переводами.
  Автор ряда поэтических сборников: «Акъбардакъ» («Подснежники») (1974), «Мои чувства» («Дуйгъуларым») (1979), «Огонь любви» («Севги алеви») (1981), «Пробуждение» («Уянув») (1986), «Слушай ветры» («Еллерни динъле») (1990), «Къырымнаме» (2006).
  Шакир Селим перевел на крымскотатарский язык произведения А.С. Пушкина (поэма «Кавказский пленник»), М. Ю. Лермонтова, (стихотворения), Т. Шевченко (поэма «Катерина»), Адама Мицкевича («Крымские сонеты»). В Крымскотатарском драматическом театре были поставлены ряд спектаклей в его переводах: «Женитьба» Н. Гоголя, «Макбет» В. Шекспира, «В лунную ночь» Мустая Карима.
  Работал заместителем редактора газеты «Достлукъ» («Дружба»), с 1997 г. - главный редактор журнала «Йылдыз» («Звезда»).
  С 1992 г. по июль 2008 г. возглавлял Совет крымскотатарских писателей Крымского отделения Национального Союза писателей Украины.
  Ш. Селим лауреат Всемирного фестиваля тюркской поэзии (Кипр) и ряда других международных конкурсов. Лауреат премии АРК. Лауреат премии им. Б. Чобан-заде (2007).
  
  Эльвида, достумыз